أخبار مصر ـ إيناس البسيونى

أهدى قطاع الإعلام والعلاقات بوزارة الداخلية الأم المصرية قصيدة شعرية بمناسبة الاحتفال بعيد الأم من كل عام.

وفيما يلى نص القصيدة
“جانى تانى وجابلى وردة
كان فاكرنى هاخدها وأرضى
قاللى جايلك من هناك
أحكى عن كل اللى فات
قال يا أمي
أوعي يوم تفتكري إني
راح أسيبك
مين حبيبك
لو ماضحى عشان عيونك
لو ما كان بالروح يصونك
لجل ترضي يكون حبيبك
الحكاية …
الوطن نادى يا أمي
كنت أسيبه ..
لو يضيع الحق من … مين يجيبه
غير ولاده ….
صدقيني …
إن حضن الأرض لما
بين إيديه ياخد شهيد
راح يلاقي نفس حضنك
انتي أمي
والبلاد الغالية أمي
أوعي مرة ف يوم تخافي
حضن أرض بلادي برضه
حضن دافي
حضن دافي”.

كما أهدى قطاع الإعلام والعلاقات بوزارة الداخلية أمهات الشهداء الأبرار قصيدة شعرية بمناسبة الاحتفال بعيد الأم أيضا ، وفيما يلى نصها:-
“يا أمى ليه يوم تحزنى
والجنة لسه ف` إنتظار متزينة
إللى على إيديه النهار جه أرضنا
ياأم الشهيد
إبنك بطل .. بالتضحية
و لولاه ما كانت أغنية
للإنتصار
الجنة لسة ف` إنتظار
طلع النهار
كان البطل إبنك هناك
سابق بروحه خطوته
أفديك بروحى يا وطن
أفديك ومن دمى التمن
الجنة لسة ف` إنتظار متزينة
ي` أمى
قولى للى جايلك من صحابى
واللى جايلك من زمايلى
إنى أجمل حاجه أنتى
يامصر
روحى فيكى فين ماكنتى
إنتى جنة أرض ربى
يا أمى أوعى تحزنى
الشهادة هى جنة للشهيد
يوم شهادتى يبقى عيد
إسألينى راح تلاقى قلبى من جوه سعيد
يبقى ليه ي` أمى حزنك
جنة فاتحة حضنها من بعد حضنك
ياأمى أوعى تحزنى
ياأمى أوعى تحزنى”.

ائية.